انا كل ما اقرب ليك بحتار
حاسه انك جنه ويا النار
فيك م الحنيه وساعات غدار
قلبك مش رايق-مايل لعكار
ولا قلت بحبك ولا بهواك
... انا حتى بخاف احلف بهواك
لتكون خاين تجرحنى معاك
ولا عاوزه افتكرك ولا انساك
لكن اسئلتى بتستناك
تعرفلى نهايه حكاينى معاك
طيب -لو انت حبيبى بجد
مش كنت تجينى بباقه ورد
وتقولى حبيبتى انا ليكى بتشد
والله انا حبى مالهوش حد
لكن ما سمعتش منك كلمه
ولا حتى معنى يدل بذمه
على حب ولا اعجاب
يبقى هحبك بس ازاى
ده مفيش حتى نظره عين
تفرد حمره على الخدين
يبقى هحبك بس ازاى

نيفين راشد